小肥的雙寶出世了
行IVF 的路行了一年半，算是很快，但不是一次就順利成功
曾經想過我是否這一輩子都不能當上媽媽、我的命是否不夠福氣去擁有自己的孩子？
但係而家我嘅寶寶已經可以抱在懷裏了，七月嘅時候佢哋已經出咗世，兩個都係喺差不多38就出左世，以孖胎來說，都係很足月了
前兩天是他們嘅100日啊！
回想返寶寶出世嘅第一日，剖腹生了他們出來後，由於麻醉藥未過， 身體也不停地震抖，差不多過了1小時才停止震抖，姑娘就推我會病床。
之後身體都非常疲累，差不多睡了一整天。那時候當然十分關心寶寶出世有幾重，因為如果唔夠重，過幾天好大機會不能一起出院。
第二天開始可以落床，行下，去洗手間，可以拔去尿喉，吃粥水，開始試餵人奶，俾BB啜
第三天仍然係十分努力去餵人奶，雖然未有奶，乳頭上只見到一細點奶珠，我真係諗自己係咪真係會有奶架？得咁少嘅？我問姑娘借咗部泵機，睇下泵到啲咩出來先
原來都有少少喎，第一次泵（單泵），泵咗兩邊胸，好似泵咗差不多半小時，我都忘記了，只有10ml .....
頭幾天在醫院，每到餵奶時間，姑娘就會問我餵唔餵人奶，俾BB 啜
第4 天開始上奶，有50ml 呀，原來我都有奶架
但寶寶的嘴巴還很好細小，又無力，好似還是不太懂啜
這幾天是黃金時間，多俾BB 啜，身體知道你有這樣的需要就開始造奶
第5 天就出院喇，兩個寶寶都可以一齊出院，好嘢
一返到去就係惡夢開始，最攰的一晚
也是我同老公第一晚照顧兩個BB
之前準備多很多東西，但回到家，好像很多東西都未執好
唔知俾BB 著咩衫，唔知點換片，要點整奶，BB 不停喊⋯⋯當BB 沒有喊時，我還聽到BB 喊聲（幻聽似的）
返到屋企，又要泵奶，第一次用部泵奶機，點用呢？好彩喺醫院都用過同一牌子既，都認得D icon 係咩意思
最後都泵到160ml 喎，多過之前一日（其實都因為谷咗成日先有咁多）
之後的日子，有很多事發生，初期餵人奶，很辛苦，每四個鐘就要泵一次奶或者埋身，因為會十分谷奶，一定要清咗D奶先舒服
頭一個月我泵奶要用30 分鐘以上，有時更用上成個鐘，我要做到泵到無乜奶出為止，依家諗返都覺得好癲好辛苦
泵奶用差不多1小時，但3-4 小時又要再泵，即係中間只有兩小時時間，但又要照顧BB休息時間真的很不夠（雖然第一個月有陪月，之後我媽媽也幫手照顧BB）
因為谷奶，也曾經發燒發到39 度
又曾經個胸有硬塊，塞奶也塞過好幾次，左邊塞完，又到右邊
乳頭也試過有白點，有很多很大粒的
飲盡很多上奶湯水，幫助更多奶水
但到有很多奶時，（約一個月左右），又怕太多奶，很容易塞奶
等等等⋯⋯都是餵人奶既點滴，相信每一個餵母乳的媽媽都可能經歴過
曾經出院第10 天，每天泵奶造奶，有想過我會唔會變人乾，好像燃燒緊自己的生命一樣去造人奶
因為真係好chur 好辛苦，無乜時間休息，而奶的營養又係由自己的身體造出來，唔變人乾都幾難 （現在，我已經由未生前150 磅，變回110 磅了，比未懷孕前還要輕4-5 磅）
未生BB之前，真的不知道餵人好原來是那麼多考驗
但係過咗第一個月，陪月走了，我媽來幫手照顧雙寶，而我又開始練習到每日泵奶只泵4次，開始有多啲休息時間，輕鬆很多了，YEAH
(待續)
現在都已經過了幾個月了，都開始習慣做媽媽的生活了
請先 登入 以發表留言。